JESUS GEKRUISIG – DIE KRAG EN WYSHEID VAN GOD.

JESUS GEKRUISIG – DIE KRAG EN WYSHEID VAN GOD.

 Broers en Susters

Gisteraand 25/5 toe ek gaan slaap en vanmôre toe ek wakker word, openbaar God weer opnuut en akuut aan my die volgende.

GOD, ONS VADER

GOD is ‘n ware VADER, heilig, regverdig, liefdevol, net goed, rein, voel ook soos ons pa’s oor ons kinders, ens. Hy is jaloers op ons liefde, eer, respek, aanbidding, gehoorsaamheid, ens.

Hy kan sonde nie aanskou en verdra nie.

As ons sonde doen en eerder na Satan en self luister of eerder Satan, self en die wêreld liefhet, ervaar Hy geweldige deurborende, krenkende, verbryselende en dodende pyn. Daardeur word Hy doodgemaak in ons harte en lewens.

Hy het toe self aarde gekom en deur die vervulling van die Skrifte, sy kragte en wonders kom bewys dat dit HY is. Jesus Christus was Sy Eniggeborene wat in sy boesem IS. Hy en die Vader is EEN.

 Hy het vir EEN rede gekom, as Messias, Verlosser, om die Skrifte te vervul nl. om die kop van die Slang te verbrysel, om ons van ons sondes te verlos, om ons waarlik vry te maak van alle sonde, om die werke van die duiwel te verbreek, om ons van alle sonde te reinig, om ons oorwinning oor die Satan te gee, om vir Hom weer ‘n volk te reinig en te heilig  – ywerig in goeie werke.  

 HOE?

Hy het toegelaat dat die mensdom Hom in hulle hande neem en met Hom doen soos hulle wil en dat al hulle sondes op Hom val en Hom pynig, wond en deurboor en vermoor – soos dit in elk geval aan Sy hart en Gees en hulle naaste gedoen het. Wat ons aan die geringste gedoen het, het ons aan HOM gedoen. As ons Sy Woord breek, breek ons HOM. Nou kan ons almal self SIEN met ons menslike en vleeslike oë en VERSTAAN wat sonde waarlik is en aan Hom doen.

 Toe staan Hy op uit die dood om weereens te bewys dat Hy God is. Nou sit Hy aan die regterhand van God om die duiwel en vyande onder Sy voete te verbrysel en die sondaars te oordeel wat aangehou het om dit aan Hom te doen en wie hul nie bekeer het daarvan nie.  

 HOEKOM DIE KRUIS?

Om ons terug te wen van ons liefde vir sonde, self, die wêreldse afgode en Satan – anders gaan ons almal hel toe. Die loon van ELKE SONDE is die doodstraf omdat dit GOD martel en vermoor in ons harte. Om sonde in die vlees totaal en volkome te veroordeel en sonder enige verskoning te laat.

 WAARTOE?  

As ons met diepe berou erken en bely dat elke sonde dit aan Hom doen en Hom laat bloei en sterf het- en ons daarvan bekeer, sal Hy ons vergewe, verlos, reinig, was, vrymaak van daardie sonde en as ons dit volhardend en getrou doen, sal Hy ons volkome verlos, reinig, regverdig en heilig maak deur ons met SY EIE HEILIGE GEES te vul. Dan is ons WARE KINDERS VAN GOD, UIT HOM GEBORE, WAT NIE SONDE DOEN NIE en nie MEER KAN DOEN NIE m.a.w. ons KAN net nie meer met sonde aangaan nie. Dit MOET STOP!!

 ALTERNATIEF:

As ons aanhou met sonde, of dit verskoon, ignoreer en nie met ware diepe berou erken dat ons Jesus deurboor en gemartel en vermoor het met elke sonde nie en ons nie bekeer nie, SAL ONS SKULDIG BLY AAN DIE LIGGAAM EN BLOED VAN JESUS EN ‘N EWIGHEID IN DIE HEL DAARVOOR BOET. Sonder ‘n heilige lewe sal ons Hom aanhou deurboor en sal ons Hom nie sien nie.

 As ons dit nie verkondig nie maar ander dinge praat, dan verwyder ons die struikelblok van die kruis en is daar geen krag en wysheid van God om te red in ons woorde nie. Ons is dan ook medepligtig aan Sy wonde en vermoording.

 SELA EN SELA

As jy ‘n oor het wat kan hoor, LUISTER TOG ASB!

Faan